کیا عید کا دن آنے سے پہلے صدقۂ فطر ادا کرسکتے ہیں؟

Fatwa No. #139

سوال: عید کا دن آنے سے پہلے اگر صدقۂ فطر ادا کر دیا جائے تو جائز ہے یا نہیں؟
المستفتی: محمد حسن، محلہ باغیچہ، التفات گنج، ضلع فیض آباد

بِسْمِ اللهِ الرَّحْمٰنِ الرَّحِیْمِ

الجواب بعون الملک الوہاب:

عید کا دن آنے سے پہلے ماہ رمضان میں بلکہ ماہ رمضان سے پہلے بھی صدقۂ فطر ادا کر دیا تو جائز ہے۔

فتاویٰ عالمگیری میں ہے:

وإن قدموها على يوم الفطر جاز، ولا تفضيل بين مدة، ومدة، وهو الصحيح. [الفتاوى الهندية، 1/192]
کتبہ:
جلال الدین احمد الامجدی

[فتاوی فیض الرسول ج: 3، ص: 132]